青政同鄺葆賢尋日各自喺Facebook宣布退黨一事。青政指鄺葆賢喺六月三日退出青政群組,兩星期以來組織內部不少人嘗試挽留,都未能成功,佢哋對此感到遺憾。而鄺葆賢在宣布退出時,就以「擇善固執」作結。佢咁講係唔係代表同青政有意見不合嘅地方,搞到要退出呢?雙方都未有正面回應。
雖然不和嘅講法仍未能證實,但可以肯定嘅係「黃埔孖寶」拆夥後仍然保持友好關係,鄺葆賢尋日貼出同游蕙禎合照,並透過兩人合辦嘅「小黃紙」話,獨立並非唔合作,會同游蕙禎並肩前行,共同走社區進步嘅路。「黃埔孖寶」組成十五個月,都算係經歷唔少風雨,唔知今後仲有無機會見佢哋以組合形式再現政壇呢?