政情：林榮基失蹤 李家超話關「中華民國」事
銅鑼灣書店店長林榮基前日披露「被失蹤」經過，保安局副局長李家超尋晚在立法會回應有關事件。不過，被問到警方和保安局同內地接觸時有否收到林榮基被移送嘅資料時，李家超就口快快將「中華人民共和國」讀成「中華民國」，唔通單嘢又關台灣事嘅？
李家超在回應時指出，警方會繼續調查，香港政府在內地並無司法管轄權，所以必須按內地法律和法規進行，執法機關亦需按內地政策、法律處事。他又補充，中華人民共和國內有不同法規，管轄刑事、檢控、拘留嘅法例。他指，亦有法例講述任何人士在中華人民共和國內，是有權委託律師取得法律意見，確保自己嘅法律權益。
不過，李家超在引述內地有不同法規時，就將「中華人民共和國」讀錯「中華民國」，後來講及有關法律權益時就再無讀錯喇。但他在第一次讀錯時未有「補鑊」，但在第二次時卻有停頓，可能意識到自己讀錯，擔心「重複犯錯」。