中環出更：仇家排住隊狙擊 漢奸黎西貢避風頭

尋日中午時分，正義聯盟一行十人先到將軍澳壹傳媒大樓聲討漢奸黎，成員又輪流向頭頂滿布糞便的漢奸黎肖像紙板怒擲飛鏢，高叫「打倒黎智英」、「打倒蘋果日報」、「打倒壞傳媒」等口號。正義聯盟召集人李偲嫣話佢哋將發起連串「洗滌禍港淤『黎』（泥）、保持香港政界傳媒清潔」大行動，尋日行動就係第一擊。

示威者接力踩上門聲討

李偲嫣又批評，漢奸黎係香港敵人，旗下傳媒除咗中傷霸王外，亦曾迫害公職人員，顛倒黑白。漢奸黎又同美國勾結，畀「黑金」議員，並涉嫌煽動違法佔領行動，所以要去藏污納垢嘅壹傳媒大樓聲討漢奸黎。佢哋之後仲會呼籲市民發掘漢奸黎嘅罪狀同舉行集會。正義聯盟之後又去到漢奸黎嘅何文田大宅抗議，聲言︰「肥佬黎搞亂香港，我去搞佢屋企！」

一身「監犯Look」嘅漢奸黎趁霸王示威者離去後，即出車到西貢遊船河避風頭。	正義聯盟成員向頭頂滿布糞便嘅漢奸黎肖像紙板掟飛鏢，聲言「釘死」佢。	約二十名霸王國際集團股民到漢奸黎大宅外抗議，要漢奸黎「還我血汗錢」。

「監犯Look」出遊 聾耳陳上身

除咗正義聯盟聲討漢奸黎，尋日中午十二時許，亦有約二十名聲稱係購入霸王國際集團股票嘅股民去到漢奸黎大宅外抗議。佢哋一行約二十人手持寫上「千古罪人黎智英」嘅橫額，又拎住「千古罪人」、「黎狗無恥」、「黑金亂港」及「黎智英大魔頭」等標語大叫口號。佢哋逗留一陣就離開，期間有警員喺旁邊監視。

直到下午四時左右，再有一批約三十人自稱係購入霸王國際集團股票嘅股民到黎宅外抗議。佢哋怒轟漢奸黎千古罪人，並大叫「支持霸王集團、還我股民利益」等口號，逗留約十五分鐘離開。

雖然漢奸黎「周身箭」，但佢尋日中午約十二點半，即第一批霸王股民抗議完離開後，乘座駕去咗西貢遊艇會。衣着勁似「監犯Look」嘅漢奸黎到達遊艇會時被問到係咪想避開示威人士，以及會否向霸王股民道歉，但佢就當聽唔到直行直過，急急閃人，莫非真係問中咗，佢係龜縮避風頭？

卓妮