政府早前喺各區更換部分投入口較細嘅垃圾桶，但發現部分人將較大型嘅垃圾丟在垃圾桶外，仲衰過以前。環境局局長黃錦星話落實都市固體廢物按量徵費，需要先一步推展相關配套，而改變垃圾桶數量同設計，係其中一個方向，要市民習慣係一個必經過程，當中會有陣痛喎！黃錦星用到「陣痛」來形容，似乎誇張啲喎，依家市民將較大型嘅垃圾丟在垃圾桶外，食環署都無符，似乎係政府經歷「陣痛」多啲囉！
