中環出更：霸王苦主再踩上門 向漢奸黎討債
圍堵壹傳媒黎智英（漢奸黎）嘅行動停不了！繼三十名自稱霸王國際集團員工同關注組嘅人士，前日拉隊到漢奸黎大宅及壹傳媒大樓抗議後，該等示威者尋日又再踩上門聲討壹傳媒無良及打倒漢奸黎，其中更有自稱係霸王股民嘅示威者嚟「討債」。依家唔單止仇家，就連「苦主」都咬住漢奸黎唔放，睇嚟呢啲登門「追數」嘅行動會陸續有嚟，唔知漢奸黎仲匿得幾耐呢？
拉起「打倒黎某某賣國賊」橫額
《壹週刊》遭霸王國際集團控告誹謗並索償案，《壹週刊》上月被判敗訴。據稱，約三十名示威者昨先到壹傳媒大樓抗議，跟住喺下午兩點左右，十多人喺漢奸黎大宅外拉起「無良壹傳媒，媒體黑社會」、「打倒漢奸黎某某賣國賊」及「陸（六）年沉冤終昭雪，討回公道還清白」等橫額，而自稱係「撐霸王集團關注組」人士就喺大宅外高呼：「無良壹傳媒，媒體黑社會」。半小時之後，再有十多人抵達大宅外聲援。期間下着大雨，小部分人先行離去，其餘嘅人則留守繼續抗議。
其中一名示威者自稱係霸王國際集團嘅股民，多年前以五個幾港元購入及持有霸王股票，但捲入官司後，股價大插水，令佢損失數以萬計港元，由於官司涉及壹傳媒，而漢奸黎係壹傳媒嘅老闆，所以嚟討回公道。抗議行動至下午約三時，各人陸續散去，期間警方一直在旁監視。漢奸黎嘅仇家牙齒印多到分唔清邊個打邊個，依家班仇家同苦主日日踩上門，睇怕佢都有得震冇得瞓喇！
卓妮