寄養爸不言棄 打開鴻仔心扉
「教養呢啲嘢無得用錢衡量……我希望佢嘅童年唔好有陰影，將來社會多個生力軍，而唔係問題兒童」，五十四歲的葉先生，兩年前登記成為寄養爸爸，迎來人生中首個寄養兒童鴻仔。由於鴻仔是懷疑自閉症和過度活躍症患者，「成日搞亂檔，我幾隻貴錶畀佢扔晒落床」，令彼此的寄養路殊不簡單。雙方由互不適應，至如今默契十足，踏入寄養的第二個年頭，葉已視鴻仔為家庭一分子，一個親吻或擁抱，已令他甜入心扉。臨近父親節，葉笑言沒太大感覺，因為「日日都係父親節！」記者馮穎瑜
葉曾開設貿易公司，下屬多達數百人。他因早年胞兄突然癌病去世，頓覺人生無常，遂決定多做公益服務回饋社會。
他笑言對鴻仔首次印象良好，「幾好樣，又好笑容」，寄養前與鴻仔外出亦無大問題。豈料正式展開寄養生活後，卻發現鴻仔因不適應，加上受發展遲緩等病情影響而「周圍走，大小便瀨到一地都係，又唔明你講乜！」
管教問題令葉初期大感挫敗，妻女亦質疑他下錯決定，極力勸說他放棄寄養。但葉卻不願放棄，「個女都係我一手湊大，幾百人（下屬）都管到，冇理由呢個小朋友搞唔掂，只係未搵到方法」。
唔介意佢返親父母身邊
為更了解鴻仔，葉不斷參加講座及報讀親子遊戲治療，終學懂從遊戲和製作手工品打開鴻仔心扉，讓他透過語言表達自己，大大減低其哭鬧發脾氣等情緒行為問題，「扭計嗰陣唔好樣樣都話唔得，會畀幾個選擇佢」。
葉的努力終在兩個月後獲得回報，「（鴻仔）知道你錫佢嘅，開始覺得好溫暖，叫我爸爸而唔係叫叔叔」。二人如今更親密得每晚睡在一起，「瞓覺都好自然攬住我，又成日咀我」。儘管如此，葉卻坦言早已做足鴻仔重返親生父母身邊的心理準備，「我間唔中畀佢叫爸爸咋，因為佢始終有親生爸爸媽媽」，又豁達形容他日鴻仔離開只是展開人生新一章，而非「忘記呢一頁」。