「貪湯」前廉政專員湯顯明喺○三年被揭發連串貪腐醜聞，但律政司喺年初宣布「放生」貪湯，不作刑事檢控，廉署尋日亦「放生」被指係貪湯貪腐醜聞「第一幫兇」嘅廉政社區關係處前處長穆斐文，指專責調查小組認為穆斐文喺處理酒品安排，無故意違反廉署常規或存有不良動機，所以投訴唔成立，無對佢作出「行政處理」，只向八名廉署人員作出「不搔不癢」嘅勸誡。鬧出咁大嘅貪腐醜聞，已經打爛廉署招牌，令市民失去信心，依家竟然將最頂頭嘅涉案人全部放生，廉署想挽回公眾信心都好難嘞！
