向井地美音小巧又火辣

所謂一樣米養百樣人,每個人都有不同樣貌,亦有不同身材,有合比例嘅,亦有不合比例嘅,好似日本超人氣美少女組合嘅成員向井地美音咁,其身材就唔多合比例,原因係佢個子唔高,身材小巧,卻擁有一對斤両十足嘅D Cup美巨乳,唔怪得踩入寫真界拍寫真咁受歡迎啦!

精靈清秀

小弟讀書嘅時候,經常同一位女同學相當親近,大家成日結伴同遊,食早餐、食午飯都出雙入對,仲不時相約睇戲。本來小弟對佢都冇咩感覺,某一次出街嘅時候,佢突然彎低身綁鞋帶,嘩!不得了!從寬鬆嘅衣領當中偷窺到內裏原來係一對巨乳!估唔到佢人仔細細上圍咁有料到!好可惜,之後佢畀個大隻猛男溝咗!無才更無財,仲要生得一副五短身材嘅小弟我梗係冇運行啦!然而,生命滿希望,前路由我創,世間上其實仲有唔少廟細燈籠大嘅青春玉女,向井地美音咪就係囉!

美音年方十八,正值卜卜脆,雖然阿妹年紀小,氣質活潑又精靈,但係就唔似得其他同齡女仔一樣只顧賣萌懶可愛,面孔青春得嚟帶點清秀柔弱。僅得5呎身高嘅美音胴體纖瘦,但係個胸就有33D,係正宗嘅薄身巨乳妹。

童星出身

喺香港好多父母都係怪獸家長,猛咁逼小朋友讀書及上興趣班,就算唔係怪獸級,家長們當然亦好希望子女專注學業。之不過,美音嘅父母就唔同喇,喺小時候就安排佢做童星,咁早畀佢踏上演藝事業之路,全因唔想美音長大之後後悔,後悔唔可以好似班青春少女偶像咁登台喎。11歲嘅美音已經演出過唔少影視作品,最為人熟悉嘅就係喺電視劇《Unfair》中,扮演女星篠原涼子個女。

另一方面,美音本身亦係AKB48嘅粉絲,後來更加夢想成真,從成員招募面試當中成功獲錄用,為AKB48 Team K嘅成員。雖然美音年紀輕輕,但係因為受到網球選手松岡修造嘅勵志名言所影響,對每件事都會專注以及全心全意完成,故喺演出上進步神速,家陣更加被視為AKB48嘅次世代王牌!

個人網誌

簡介:向井地美音每日都同AKB48嘅成員四圍去,無論工作定係玩樂都一齊行動,大家Click其網誌就可以睇到佢哋感情幾好喇。

網址:https://plus.google.com/104815465208323574550/posts

向井地美音Profile

年齡:18歲

身高:5呎

三圍:33D-23-33

撰文:賢