巴漢跳渠勇救失戀外籍男

膠櫈充水泡 墊起事主

現場為青山公路近喜利徑的一條明渠，昨晨八時許，一名外籍男子（卅三歲）疑因失戀及飲醉酒，突然跳下明渠，巴基斯坦裔男子Babar（廿四歲）經過見狀，立即爬過石壆落水救人，惟明渠因連場大雨而水位甚高，巴漢只能抱起事主，卻無力救他上岸。途人慌忙報警，並將膠櫈拋入渠中，巴漢用膠櫈充當救生水泡，將事主墊起，等待消防到場救援。

期間，巴漢問事主為何要跳渠，事主回應稱：「女朋友話唔要我！」巴漢出言安慰：「無咗咪再搵過囉，無謂就咁嘥咗佢！出咗事阿爸阿媽都唔開心。」消防趕至後用繩索先後將兩人救起，事主右腳受傷送院治理。

Babar指當時一心想救人，沒有在意河水是否有臭味，並說：「見到人梗係救，生命唔係垃圾，好寶貴，要好好珍惜，唔救就無咗。」他對於成功救人感開心。