民建聯（民記）立法會議員鍾樹根上周接受電台訪問，透露一二年立法會選舉投票日時，該黨曾利用票站調查進行配票。工黨立法會議員何秀蘭尋日就聯同數名黨友前往北角廉政公署舉報，指民記無申報相關票站調查嘅選舉開支，涉嫌違反選舉條例，要求廉署徹查事件。其實呢件事已經過咗近四年，真係死無對證，單憑樹根一面之詞，唔知點查呢？話時話，每逢立法會會期完結前，議員都大把工作要做，但何秀蘭竟然勞師動眾抽陳年舊水，唔通真係無嘢好做？
