政情：今日你上鏡：肥亨細心 祝賀容海恩

新民黨成員、大律師容海恩（Eunice）今個星期二生日，但當日仍然要工作，就係孖住該黨副主席、立法會議員田北辰去同港鐵主席馬時亨（肥亨）開會，討論港鐵票價問題。田北辰在社交網站透露，大家一見面，肥亨第一句就同Eunice講「生日快樂」，前後總共講咗兩次添，大讚肥亨係細心之人。Eunice都覺得好奇怪，點解肥亨會知佢生日，但肥亨就笑而不語。至於Eunice到底幾多歲生日呢？佢就話賣個關子先，但就話生日願望係希望能成功爭取港鐵將利潤回饋用於紓緩票價增幅，即係票價加少啲，而並非只係提供有條件優惠喎！