香港地少人多，後生仔經常埋怨樓價高、難上車。發展局局長陳茂波（波叔）尋日出席討論土地及房屋政策嘅圓桌會議時，就歸咎當年維港填海官司敗訴後，填海所得嘅土地跌近八成，搞到土地緊絀、樓價飛升。之後更落足嘴頭，講明如果搵到維港以外合適地方，希望市民能夠支持填海，又話發展棕地係必然之選，唔會退縮並會全力去做喎。其實波叔使乜咁緊張搵地吖，再將啲單位劏細啲咪又多啲供應囉，橫掂政府咁支持起埋啲蚊型「納米樓」，未來五年二十萬個供應都仲得呀！
