有人話從一幅畫或相片中，可以感受到畫中人同物嘅氣味，一直以嚟都覺得呢種講法太玄又太虛幻，不過自從欣賞過人氣模特兒汪佩妮嘅寫真後，就發覺原來甜美真係可以聞得到o架！
唔少人都覺得湖南姑娘辣味十足，不過呢個辣字卻好難同汪佩妮扯上關係，事關呢位出生於湖南長沙，英文名Penny嘅寫真模特兒，不但一啲都唔辣，反而覺得佢青春迷人，氣質清新醉人，令人感受到一股甜香味道，簡單啲講，佢嘅笑容真係甜到漏呀！不過，講到身材方面，就相當火辣，一對激凸嘅車頭燈，加上誘人甫士，睇到人心跳加速，難怪佢自出道以嚟，深得粉絲嘅歡心，其寫真作品成為男士們嘅收藏品。
隨住寫真作品相繼推出，呢位甜香女神着力改變形象，希望能夠喺清純之外，帶嚟更多新鮮感，早前佢拍攝新一輯寫真，就添上唔少成熟味道，的確同以往嘅形象不同。除咗喺寫真界不斷作出新嘗試外，佢又以車模身份為汽車雜誌拍攝照片，另外又喺各種潮流及時裝雜誌中亮相，而對於演戲有無比興趣嘅佢，亦積極向演藝界發展，現時為止發展尚算順利，希望將來可以喺大銀幕見到佢嘅演出。
作為一位如此討人喜愛嘅寫真模特兒，相信唔少人都覺得佢一定有唔少追求者，大把男仔排住隊等佢慢慢揀。事實上，佢太多工作，忙到根本冇時間拍拖，加上佢性格獨立，喜歡自由自在，唔恨拍拖，佢喺微博表示：「最愛大風和烈酒，還有孤獨和自由。」至於佢嘅愛情觀，亦忠實反映出佢呢種性格特質，佢話：「不要試圖推開我，結果一定是，要麼距離愈來愈近，要麼愈來愈遠。不要試着緊握不放，結果也一定是，近到窒息，或者，遙不可及。」從呢幾句說話睇得出，佢會將追求者拒於千里，尤其係佢唔鍾意嘅人，一定唔會畀任何機會對方，只係當佢遇到意中人，卻會千方百計黐到實，距離近到令對方窒息。照睇嚟，能夠令佢心動嘅男人，絕對唔簡單，冇一般能耐真係唔得。
簡介：汪佩妮外柔內剛嘅性格，相信對唔少男士嚟講有種莫名嘅吸引力，加埋魔鬼身材，輕易打動大家嘅心。如果想發掘佢更多優點，就要Click入佢嘅微博睇睇喇！
網址：http://weibo.com/u/2352175025?is_all=1
出生地：湖南長沙
身高：170cm
三圍：35、27、35
撰文：魂