政情:不肖子馮敬恩連阿爸都反

港大學生會前會長馮敬恩在任一年間風波不絕,除了多次帶領同學衝擊校委會,圍堵禁錮校委之外,仲違反校委會保密協議,披露港大校委會會議內容,但時至今日,佢依然全無悔意。佢尋日接受電台訪問時,坦承連爸爸都不認同佢嘅行為,曾發電郵給校長馬斐森求情。不過,馮敬恩對於爸爸的一片好心並不領情,仲形容為麻煩和困擾,要同爸爸保持適當距離,真係可憐天下父母心呀!

馮敬恩接受電台訪問時稱,衝擊校委會後,面對很大的輿論壓力,有一次同朋友食飯,有一班大叔就向他飛牙籤,鬧他「無義氣」,雖然令他不開心,但就覺得自己做緊一件正確的事,只是並非人人都支持,對於其他人不支持同不理解,他都只是let go(由得佢)。對於衝擊校委會,他再次死撐「就算係錯都係必要之內」,又指制度暴力在先,自己以武制暴在後,仍然是歪理連篇。

稱對父親保持適當距離

除了外人看他不順眼,連馮敬恩爸爸都不認同兒子的行為。本身父母離異的馮敬恩透露,他在任學生會會長期間,他的爸爸就曾經發電郵給馬斐森,指馮敬恩「要完成學業」,又發電郵給馮的莊友,甚至在Facebook留言。對於關懷備至的慈父,馮敬恩竟然形容為麻煩和困擾,曾經叫爸爸不要干涉,仲話最好是同爸爸保持適當距離。主持人問他愛不愛爸爸時,馮敬恩竟然以「唔反感」作回應,說他是不肖子亦不為過。

擁星護照 隨時移民

去到訪問最後,主持人就爆料指馮敬恩有新加坡護照,馮敬恩亦無否認,指當年八九年六四,父母原本已經打算移民,所以安排他在新加坡出世,如果香港宣布一國一制,就會選擇離開香港,但到目前為止仍然未去到絕望,所以暫時不會離開香港。原來搞唔掂、剩低爛攤子時,馮敬恩就會拍拍屁股走人,難怪他一直搞事,不計後果喇!

第一手消息請下載on.cc東網iPhone/iPad/Android/Windows Phone Apps