中環出更：Jack蘇諗計振興旅業
受到外圍經濟下滑，以及鄰近地區競爭激烈影響，本港旅遊業開始走下坡。身兼經濟發展委員會會展及旅遊業工作小組召集人嘅機場管理局主席蘇澤光（Jack蘇）話，雖然香港旅客人數下降，但係絕對有能力轉危為機。他領導嘅工作小組已經向政府提出多項建議，以吸引高消費過夜旅客，包括商務和會展旅客，務求令香港嘅會展及旅遊業發展提升至更高水平。究竟佢哋有何妙計呢？
促啟德發展主題連貫景點
Jack蘇話，過去一年係旅遊業艱難嘅一年，因為外圍經濟因素、區內競爭加劇及部分人嘅激烈行為都影響咗旅客訪港意欲。有見及此，工作小組認為唔應該再只係追求旅客人數增長，而係要吸引高消費過夜旅客，故建議政府在啟德和大嶼山發展主題連貫及鮮明嘅旅遊景點及設施，有關發展必須具規模及有清晰市場定位，而旅遊景點和設施之間嘅交通聯繫亦要有全面規劃，才能為旅遊業注入新動力。
卓妮