老店60載 縫合舊衣修補回憶
【專案組報道】今時今日，大家都愛送舊迎新。衣服破舊多數人都會直接棄掉，不願再「左補右補」，令織補這老行業逐漸式微甚至失傳。但西營盤一檔專做織補的老字號，開業至今走過逾六十個寒暑，年過八十歲的店東堅持做下去，為街坊縫補舊衣，縫補好完美回憶。
16歲入行 為家庭棄夢想
今年八十二歲的李炳康，是李湛記織補的東主，他十六歲就開始做織補，於東邊街窄巷已經度過逾六十個年頭。織補與一般補衫並不同，需一針一線將破損的位置補回，十分考功夫。當年因爸爸意外過世，他急於賺錢養家，不得不放棄做電器學徒的夢想，承接爸爸衣鉢，「十六歲幾就已經冇咗老竇，六個兄弟姊妹，計埋個阿媽七個人，七個人食飯，冇理由唔出嚟幫補家計。」入行多年，他從無想過放棄。舊衣背後充滿不少愛的故事，「有啲衫好古老，我叫佢唔好做，佢話唔做唔得，『我媽留畀我，我唔着但要保留番，一代傳一代』，好多呢啲例子。」當中亦有浪漫愛情故事，「有位男客人堅持要整番件衫，話件衫係情人送，佢又唔係講太太，係講情人，真係好有趣。」
織補是夕陽行業，但原來世界各地仍有不少忠實粉絲。「平均一日有十幾個客幫襯，冬天特別多，港九新界都有，遠至澳門、美國、澳洲、加拿大及新加坡都有人嚟。」記者採訪當日，短短三十分鐘已有三個客人，當中更有外籍人士。幫襯二十年的熟客李太更指，「冇幫襯過其他（檔）呀，已經搵到個好嘅，唔使試其他啦。」
年屆八十不言老 未計劃退休
問及入行多年的秘技，李生十分謙虛，「邊有咩秘技吖，都係細心做足，慢工出細貨。」李湛記織補甚具名氣，有人更專程到東邊街與李生拍照。多年來日做夜做，度過不少困難時期，幸好有一生最愛在旁相伴。今年八十歲的李太，與李生結婚近六十載「先生做嗰行都冇辦法唔跟住，由後生一齊做到依家，大家齊齊做都開心o架。」李生與太太現已兒孫滿堂，但仍未計劃退休，「做得一年得一年。」