政情：購物城9‧28 開張 象哥唔怕催淚彈

等審批 開幕日一拖再拖

購物城原定喺今年農曆新年前開張，跟住話延至今年五·一，之後又話要到今年八月，終於敲定喺九月十六日試業，廿八日開幕，希望可以趕及十．一假期。對於一再延誤，象哥話因為要經十幾個部門審批，就連購物城洗手間大小二便點處理都有排搞。言下之意，即係賴政府多嘢審批喇！

唔知係咪因為拖咗咁耐過晒氣，購物城連名都改埋。象哥強調唔係叫「邊境購物城」，而係叫「新田購物城」，又話購物城並唔係專為內地客服務，已計劃將購物城打造成好似東涌一個名牌特賣場咁，而且過半數都係本地品牌，務求令香港人鍾意。佢又透露，購物城招商好順利，依家已經超額完成。