每日睇電視新聞報道都見到靚女主播為大家報道新聞，佢哋有美貌又有口才，但係身材多數都屬於平板型。咁亦唔出奇，世界上邊度有咁多集眾多優點於一身嘅美女呢？除咗柴小聖呢位近期活躍於舞台界嘅豐滿小美人。
所謂一念天堂，一念地獄，好多人都覺得自己嘅際遇不如理想，繼而愁眉苦臉過日子，咁就梗係覺得度日如年啦！其實，做人應該抱樂觀同豁達態度，好似小弟成日都溝唔到女，即使溝到之後唔夠一個月就畀女飛，但係我都冇埋怨過自己，因為天生我才必有用，終有一日有女仔會了解到我又肥又醜嘅外表下，係幾咁溫柔同時具有男子氣概。
又好似柴小聖咁，面孔雖然標致，但係眼角下垂，搞到一臉愁容咁，好彩阿妹氣質天真無邪，加上笑容甜美，睇落一樣咁活潑開心兼惹人憐愛。柴小聖令男人對佢愛不釋手嘅原因，當然仲有一副豐滿婀娜嘅極品身材啦！佢肌膚光滑細緻，加埋一副34-23-34火辣胴體，胸前仲有一對飽滿彈手嘅純天然F Cup美巨乳，質素之吸引，喺寫真界相信只有十個八個女優拍得住佢。
柴小聖好早就踏足演藝界，有幾早？咪就係佢16歲嗰時囉！記得我16歲當年仲係一名食飽無憂米嘅傻小子咋！而阿妹佢就已經係美少女組合COSMETICS嘅成員，隨隊四圍登台表演搵真銀。到柴小聖踏入18歲，長得亭亭玉立又有幾分姿色，佢就脫離呢個咁「幼稚」嘅團隊，開始作個人發展。
之不過，一個人獨力為事業打拚多少都會辛苦啲，為咗令前途更加光明，柴小聖就梗係要搵「盞燈」幫手照明啦！阿妹投身水着寫真行列，換上性感泳裝展露驕人嘅車頭燈！如此一脫，即惹來極大回響，更喺選美比賽「日本Telegenic」當中贏得冠軍添！後來，柴小聖嘅發展已經唔局限於拍寫真，仲向舞台界進軍，皆因阿妹口才了得，加上表情、語氣都運用甚佳，絕對係一位舞台劇演員嘅好材料。家陣柴小聖儼然成為舞台劇王后，演出檔期已經排到今年9月，真係叻女呀！
簡介：柴小聖經常會將演出舞台劇以及綵排嘅花絮透過博客同大家分享，有興趣了解其演戲生涯，不妨Click上去睇睇。
網址：http://ameblo.jp/kononablog/
年齡：28歲
身高：5呎4吋
三圍：34F-23-34
撰文：賢