鉛水事件困擾市民多時，責任誰屬嘅問題終於揭盅，政府公布嘅食水含鉛超標調查委員會報告，狠批水務署、房委會等所有持份者集體失職。其實「集體失職」呢四個字某程度代表冇任何一方可以置身事外，亦都卸無可卸嘞，涉事高官齊齊成為被批評嘅箭靶。雖然發展局局長陳茂波、運輸及房屋局局長張炳良、水務署署長林天星及房屋署署長應耀康喺其後嘅聯合記者會，逐一就事件向市民致歉，但鉛水事件嘅影響及後續跟進非一朝一夕，如果以為一句致歉就可以冇手尾跟，真係癡人說夢話。
