政情：自稱「獨派」招顯聰換Look辣火頭

曾經因擅闖軍營被捕，前「香港人優先」成員招顯聰銷聲匿迹近半年，近日突然蒲頭，更換咗形象唔再戴眼鏡，唯一無變就係火氣十足，佢自稱係「獨派」、自爆「梗係於香港出世」，批評本土民主前線等組織非真「獨派」，事關非支持有港人血統嘅人先有投票權，一場涉及獨派同本土派嘅大戰似乎一觸即發。

招顯聰透露，閉關半年主力以寫文章方式宣傳其政治理念，因而減少出現在抗爭場合，而其文章主要於台灣網站等地方發表，佢宣稱計劃成立名為「香港復英獨立聯盟」（英獨聯）嘅組織，最快本月中舉行記者會，表明不排除會有其他抗爭方式以為其打響名堂，但佢同時強調唔會再以一樣嘅方式闖軍營，「如果唔係同支聯會冇分別」。