環境局局長黃錦星（星星）為咗證明自己夠慳電，去年曾透露只交一百零一元電費，但佢一直只係口講無憑，咁誇張嘅電費確係難以令人信服嘅，但直至近日，終於有圖有真相。
星星喺個人社交網站公開自己屋企今年二月份嘅電費單，今次更係再創新低，只需繳交九十一元電費，而且用電度數亦較去年同期為低，力證星星真係瘋狂節能。唔知一直同星星惡鬥慳電嘅天文台前台長林超英見到呢張電費單，會唔會急起直追再創慳電紀錄呢？
（互聯網）
