醫管局行政總裁梁栢賢（PY，後排中）平日着西裝就見得多嘞，但一身運動裝，攞住塊球拍，就比較少見，原來佢早前贏咗醫學會壁球賽男子B組冠軍。PY話，A組嘅參賽者有眼科醫生周伯展等人，太叻喇，佢無咁厲害，事關成五十歲人先學打壁球，估唔到會贏到，但佢一直都有做開運動保持身體健康嘅。除咗比賽，PY亦為預防流感賣廣告，叫人最好學佢咁年年打預防針，佢打咗之後，都未試過因為流感病情嚴重到要請病假，仲會拉埋屋企人一齊去打針添！
