政情：游蕙禎拍「愛情片」惹熱議

喺短片當中，因為小巴客滿，排第十七個嘅男乘客上唔到車，坐喺小巴上嘅游蕙禎就喺窗內回望男乘客。到咗第二次男乘客上到小巴，仲坐喺游蕙禎隔籬，於是佢哋相視微笑，最後游蕙禎就落車話若果政府肯修例，排第十七個嘅乘客就可以搭到小巴喇。

反應如何？有網民質疑係咪拍愛情故事微電影，另有網民話尋回初戀嘅感覺。不過，唔少網民狂插加座位解決唔到問題，有網民話：「咁不如將有需求嘅小巴路線轉晒用單層巴士行（但咁反而可能會打爛小巴司機飯碗）。」市民有表達自由，無論持乜嘢立場都好，呢段短片起碼係帶起咗討論。