本港樓價已由高峰期下跌咗一成至一成半，唔少人都期望政府會適時調整部分樓市「辣招」，尤其係金融管理局有關銀行按揭成數嘅限制。不過，金管局總裁陳德霖尋日出席立法會財經事務委員會時就話，樓市成交量自三月中開始回升，樓價亦見回穩，因此要觀察多一段時間，先可確認本港樓市已真正進入下行周期，暗示依家仲未係減辣嘅時機。
