立法會財務委員會尋日開會，討論是否保留民政事務局一個負責啟德體育園區規劃工作嘅首席助理秘書長職位，有議員就提到城市大學運動中心冧屋頂，擔心體育園區都會係「豆腐渣」工程，又有人擔心體育園區會成為大白象工程。工業界議員林大輝就同體育專員楊德強講，唔可以「因為怕啃親就唔食飯」，勸佢唔好理其他議員危言聳聽，仲提醒專員格外留意安全標準，要做到「零風險」，大輝又話專員有咩唔明都可以請教佢嘅意見喎，唔通大輝讀過建築或土木工程？
