相信女人都唔鍾意畀人話有陣妖味，事關即係予人淫邪同放蕩嘅感覺。不過凡事總有例外，對於內地寫真模特兒夏倪可嚟講，稱佢妖味十足，不但唔係一個貶義詞，反而凸顯佢從內在所散發出嚟嘅誘惑美，令男人一見傾心。
嚟自北京嘅20歲夏倪可，英文名Ella。喺上年出道嘅佢，憑住玲瓏浮凸嘅身材，尤其係激凸上圍而備受注目，而佢獨特嘅妖媚魔力，更令男人神魂顛倒，難怪佢有「G奶妖姬」嘅外號。喺寫真中，佢展現迷人身段，甚至以大膽尺度挑戰大家嘅心跳極限。為咗令寫真拍出嚟更加火辣同誘人，佢經常變換唔同造型，例如內衣Look、泳衣Look及女僕等，每個造型唔單止盡顯前凸後趷嘅身材，深深嘅乳溝更係成為大家嘅焦點。
人氣高企嘅倪可，除咗拍寫真外，仲拍埋廣告，從時裝、化妝品到汽車等廣告都會見到佢嘅蹤影，足見阿妹幾咁受歡迎。作為一位擁有優厚條件嘅妖姬，當然會被影視界睇中，獲得唔少演出機會，而佢亦努力磨練演技，得到唔少導演同前輩讚賞，認為佢係可造之材，前途無可限量。
倪可憑住妖味上位，之但係同時予人負面嘅觀感，因而經常被人批評，阿妹曾經喺微博訴苦：「你永遠不知道自己在別人嘴裏有多少個版本，所以做好你原本的樣子就好。若想懂我，請親自來懂，若是討厭，盡情討厭。」從呢番說話中，睇到佢面對批評時，會保護自己嘅尊嚴，認為大家未真正了解佢，就先入為主討厭佢嘅話，就由得人去討厭。
阿妹硬朗率直嘅性格，亦同時反映出佢嘅愛情觀，佢坦白話：「要麼有錢，要麼有愛，要麼88（拜拜）。」有人睇到呢番說話，就覺得佢太過拜金，只係睇埋佢呢一段說話後，睇法就會唔同，佢話：「媽媽告訴我不要隨便和男人出去玩，女人這輩子的價值體現在那個男人為了（你）花了多少，付出了多少？甜言蜜語一頓飯就可以把你騙出去的，事後人家一般也看不上你，等到那個男人在你身上付出足夠多，砸出了你應有的價值時才可以讓他牽手。」當中嘅付出唔一定係錢，可以係誠意，亦可以係細心，既然係咁，你點可以話佢係拜金女呢？
簡介：夏倪可率直嘅性格雖然會引嚟兩極嘅反應，但有一點係唔可以否認，就係佢嘅外形相當誘人，不論換上任何造型，都散發出一股魔力。如果想睇佢嘅火辣寫真及深入了解佢嘅話，最好嘅方法當然係Click入佢嘅微博睇睇。
網址：http://weibo.com/u/5581303143
出生地：北京
三 圍：34-24-34
身 高：168cm
撰文：魂