政情：今日你上鏡：「英」「明」度橋省靚旅業招牌

香港旅遊及零售業景氣持續低迷，業界與其坐等內地再開放更多個人遊城市，不如積極度橋吸引全球遊客。尋日下午我哋就遇見香港旅遊業議會前主席胡兆英出現喺尖沙咀北京道太子珠寶鐘錶會所，同太子主席鄧鉅明密密斟。做旅行社生意嘅胡兆英話，佢打算聯同一班值得推介嘅業界，打造吃喝玩樂在香港嘅旅遊新體驗，遊客目標放眼全世界。鄧鉅明就話，過去兩年香港旅遊業太多負面同唔開心嘅消息，所以希望做多啲嘢，重新省靚香港「購物天堂」嘅金漆招牌。