探射燈：全球趨「App化」港裝置過時
本港博物館常見的錄音導賞裝置，用家需輸入展品的對應號碼才「有嘢聽」，不過，資訊科技界人士指，在這個資訊爆炸時代，此種導覽方式已過時，世界各地很多博物館，早已將展覽導賞「App化」，方便遊客。
GPS定位 介紹附近展品
「以巴黎畢加索博物館為例，當局出咗導賞App，畀遊客一個好好體驗。」香港資訊科技商會主席黃岳永指出，遊客由進入展館開始，相關應用程式會透過GPS系統做定位，讓遊客知道身處哪裏，程式更會即時「彈出」附近展品資訊，甚至建議遊覽路線，「好多時睇展覽會，會唔知點樣入手，有呢啲App，就一定知道睇展品嘅次序啦。」「除講解展品外，個App仲提供其他資訊。」黃解釋，一般畫展只會展出畫家的某部分作品，單靠傳統導賞機講解，資料會不太足夠，「呢啲App除咗有藝術品簡介外，仲會介紹埋個藝術家及佢同一個系列作品，甚至會介紹埋風格相似嘅藝術家。」