西九文化區發展計劃搞咗咁耐，工程一波多折，超支同延誤不斷出現。由一三年開始動土嘅戲曲中心，尋日終於都完成咗主劇場結構嘅吊升工程，西九管理局行政總裁栢志高除咗預告首個項目，即M+視覺文化博物館喺今年七月可向公眾開放之外，仲拍晒心口話有信心戲曲中心工程唔會再有超支。不過西九文化區一向都有資金問題，超支逾二百億元，而第三期工程嘅核心設施亦一度傳出過冇錢起。成個西九文化區工程計劃問題多多，就算栢志高點拍心口都唔會有人信喇！
