政情：梁敬國賣陳年肉照谷人氣
梁敬國上任商務及經濟發展局副局長多年，最為人知嘅就係連立法會主席曾鈺成喺立法會會議中都唔認得佢，知名度低之外，政績更加數唔出有乜。加上佢嘅上司、局長蘇錦樑下屆隨時冇得留低，唔知梁敬國係咪都覺得自己「凍過水」，為咗自救，佢最近狂上社交網站facebook「博表現」，今次更玩到「賣肉」添！
自稱「青春嫩男」
梁敬國上載嘅照片係佢喺三十年前到成都、九寨溝旅行時影低嘅，相中可見佢只係着條短褲同膠拖鞋，赤裸上身食西瓜消暑。佢仲形容自己係「青春嫩男，時代標記」添！但相中嘅蚊帳、撥輪盤電話、上下啪嘅電掣，同埋座枱電風扇都非常有八十年代Feel，佢形容電風扇係「恩物，帶佢有覺瞓」，可惜當時留宿嘅賓館亦已灰飛煙滅嘞！
照片雖然難得，但問責官員與其花時間回憶往事，倒不如多花時間喺政策方面，讓市民記得自己喇！
