做人無夢想同鹹魚有乜分別？講就型，現實中有幾多人喺兩腳一伸之前達成夢想呢？加拿大妹Charlie Riina就明白呢個道理，所以佢從來唔發夢，做乜都得過且過，每日都過得好開心，不知幾爽呀！
打工仔起碼有兩個夢想，一個係唔使做，其次係發橫財，好似早前有過億元金多寶，好多人可以飯都唔食去排隊落注，但呢啲夢十居其九都好快幻滅，跟住又繼續捱。到你明白唔可以發夢，想發憤圖強，靠自己闖出一片天時，點知經濟環境又唔掂，逼你逃避現實返去發夢，咁其實呢啲夢想發嚟做乜？
加拿大妹Charlie Riina坦言自懂性以來絕對唔會出現「夢想」呢兩個字，每日過完就算，無後悔亦都無期望，阿妹話咁樣做人最開心又最實際。之所以令佢有咁嘅諗法，原來係因為一對「怪獸家長」，Charlie話自細家人對佢管教非常嚴格，事無大小都要監控，但阿妹一於你有你管，我有我態度面對，結果讀書成績愈嚟愈差，但當事人話無所謂，事關佢體會到無夢想比有夢想好，就好似父母想仔女出人頭地，但結果係咪得償所願呢？依家Charlie每日遇到乜就做乜，令佢過得好舒服！
人生如是，對待感情亦係一樣，Charlie喺訪問中自爆，入行前拍拖對手多不勝數，但每個伴侶都投訴佢唔投入，唔肯花時間溝通了解，而阿妹則唔覺得自己有問題，反指對方活喺夢幻之中，雙方愛情觀咁大落差，難怪每次阿妹都同男友不歡而散。呢個亦係佢加入裸模界其中一個原因，正因為目中無人，根本毋須同任何人交代，所以佢先後參加過多次選美比賽，喺「Miss Toronto」勝出後，獲Playboy邀請拍攝一輯內衣寫真一炮而紅，同期阿妹演出好多商業廣告，論樣貌身材，阿妹絕對有條件做明星，無奈佢無夢想，點會去諗將來吖！阿妹講過只要拍得有美感，全裸都唔介意，因此由內衣模變裸模都唔使一年，仲拍過十幾輯全裸寫真添。其實人生就係咁簡單，唔好再發夢扮有理想喇，學Charlie咁做到先講啦！
簡介：以Charlie Riina嘅條件，其實可以紅得更早，可惜阿妹乜都唔諗唔做，搞到上年先入行做裸模，好在佢齊架生，即使中女都大把男人Like，而討論區上仲好多阿妹過去嘅寫真「些牙」，巴打記得去睇喇！
網址：www.famousboard.com/threads/25698-Charlie-Riina
出生日期：1986年1月4日
三圍：34D-24-34
身高：5呎8吋
撰文：祖