立法會尋日開始表決泛民主派議員就財政預算案提出嘅四百幾項修正案。雖然預算案審議已進入大直路，但係一班建制派議員就要乖乖坐喺會議廳，按掣逐一否決泛民嘅修正案。有建制派議員就話，每項修正案表決相距只有約一分鐘，加上出席會議嘅人數緊張，建制派應該盡量留守會議廳，仲呼籲議員要飲少啲水，避免經常去廁所，搞到法定人數不足，要嘥時間傳召議員返回會議廳。依家手機不離手嘅「低頭族」都會帶定俗稱「尿袋」嘅充電器喺身，睇嚟班議員要帶定個真．尿袋喺身至得喇！
