中環出更：葉劉拒做司長「服侍人」
盛傳新民黨主席葉劉淑儀（葉劉）有意競逐下屆特首選舉，尋日佢喺電台訪問中強調參選與否言之尚早，但期望下屆特首選舉係有真正競選嘅選舉，由有實力嘅候選人較量。被問及如果做唔成特首會否加入下屆政府出任政務司司長（CS）時，佢形容自己一把年紀，唔會為咗貪圖高位同「住大屋」去「服侍人」，會選擇繼續領導新民黨，培訓政治人才。
希望政府政黨融洽好辦事
對於行政、立法關係惡劣，身兼行政會議成員及立法會議員嘅葉劉就話，本屆政府與泛民主派關係特別差，泛民針對特首，雙方都有責任、缺乏互動，呢啲同特首梁振英（CY）個人作風有關。佢形容CY予人感覺，處事作風對抗多於對話，又指雖然政府與政黨嘅利益並非一致，各有所求，但如果可以融洽啲就會好辦事。
卓妮