教育局局長吳克儉（吳得掂）民望長期包尾，作為惹火尤物嘅佢又有新炸彈要趕住拆喇，事關政府計劃將位於東涌嘅群育學校搬到屯門，點知就引起地區人士強烈不滿。吳得掂尋日就暗示有人以偏概全誤導公眾，更義正詞嚴話，各方都要有教無類、求同存異，支持遷校計劃喎。其實都有人指摘局方諮詢不足，吳得掂反而叫人有教無類，係咪叫大家對佢有教無類呢？無論佢過去千錯萬錯都要包容呢？
