時田愛梨 唔打友誼波

所謂近水樓台先得月,好多男人溝女都係但求就手,之不過女仔就要清楚明白男方到底係咪一個信得過嘅人,以免感情受騙。好似時田愛梨咁就最精明,唔會同身邊人有過多來往,咁就唔會畀流言中傷,亦唔會因為亂搞男女關係而影響前途啦!

清甜精靈

喺日本有兩種體育項目好受歡迎,第一係棒球,相信大家就算未睇過,亦會聽過巨人隊同阪神隊兩支傳統勁旅,另一種運動就係足球,相信球迷都聽過,甚至睇過名古屋鯨魚、川崎前鋒,當然亦唔少得浦和紅鑽球隊啦!提到浦和紅鑽呢隊波,曾幾何時都係小弟嘅熱捧日職隊伍,而今日為大家介紹嘅日本寫真界巨乳妹時田愛梨同紅鑽有莫大關係,陣間會解釋畀大家知點解,依家睇睇阿妹有幾索先。

24歲嘅愛梨雖然唔係瓜子口面,仲有少少國字面形,不過五官尚算標致,特別係一雙眼炯炯有神夠晒精靈,笑起上嚟非常清甜。愛梨嘅胴體吸引力非凡,一身雪白鮮嫩嘅優質美肌,加埋胸前對G奶脹卜卜夠晒睇頭,你話男人點會唔冧先?

拒絕邀請

2009年愛梨獲挑選成為美少女組合「Nice Girl」成員,一年之後闖入寫真界發展,當時佢上圍有F Cup,後來第二度發育升Cup變G奶。愛梨甜美又好波,上位速度快過火箭,更得到電視界注意,不過就唔會搵佢拍電視劇或做綜藝節目嘉賓,更加唔係做天氣女郎,而係擔任日職隊伍浦和紅鑽嘅專屬節目《REDS TV GGR》嘅助理主持,令愛梨有更多曝光機會,仲可以發揮伶俐嘅口才。

轉眼間,愛梨做呢個節目已經4年,阿妹憶起呢段日子,表示覺得工作相當充實,亦令佢一展所長,但同時遇到啲尷尬事,原來佢除咗做主持,亦要做埋採訪,可以訪問到好多球員固然開心,但係就試過被人撩去打場「友誼波」,愛梨梗係唔會答應啦,費事畀傳媒亂唱,搞到自己冇晒前途。從呢件事睇到阿妹唔單止叻女,仲好潔身自愛呀!

時田愛梨Profile

年齡:24歲

身高:5呎4吋

三圍:35G-24-35

個人微博

簡介:時田愛梨鍾意享受人生,成日同班姊妹四圍吃喝玩樂,不知幾咁寫意,大家可以Click上其微博睇睇愛梨最近又去邊度玩。

網址:https://twitter.com/eri_tokky?lang=ja

撰文:賢