立法會議員葉劉淑儀尋日額頭點上紅點，披住橙色圍巾，打扮好有印度風。佢呢身打扮，其實係應邀出席一個印度禱福儀式。因為香港目前環境混亂，出現太多抗議，經濟又倒退，所以主辦機構就趁尋日印度吉日，邀請九名教士為香港禱福，儀式包括燃點聖火，而燃點嘅檀香樹及杧果樹木頭更係由印度專程運港。葉劉作為基督教徒點解又肯出席儀式呢？佢話係敬佩對方關懷香港、祝福香港嘅心意，又話呢班少數族裔因為經歷國家動盪，所以特別珍惜香港嘅繁榮穩定，更寄語港人向佢哋學習添！
（互聯網）
