政情：蔡加讚想當年 愛驅遭拆骨
玩具大王蔡志明兒子蔡加讚（Karson）出名愛車如命，對於有關車嘅慘痛經歷，要數佢十年前有部七人車被人偷咗，雖然好彩搵得番，但係值錢零件就被人拆晒喇！通常愛車之人都鍾意部車比較個人化，Karson就話，佢「後生」嗰陣都會去改吓車，加強車嘅性能，但強調一定會去原廠，唔會非法改裝。
至於汽車保養，Karson話香港天氣潮濕，要將車放喺乾爽地方，有好多部車嘅人，就要記住間唔中要着下部車，因為擺得耐都好易壞，如果條件許可下，最好有頂遮住部車喇。咁到底佢依家有幾多部車呢？Karson就話唔透露喇，做咗爸爸後，已經無買車，只係留低啲限量版等升值喎，依家要買，亦只會買七人車做家庭車，做咗爸爸真係唔同啲喎。