群育學校善誘 迷途生返正軌
【本報訊】「我哋唔係搞破壞，唔係去殺人放火！」廿二歲的沈芷恩去年畢業於「群育學校」明愛培立學校，對另一間「群育學校」因遷校引發爭議，學生備受歧視，她感同身受，認為標籤並無必要。面對年幼過錯，她悔不當初，猶幸母校教師的關心及循循善誘，她才成功找到自己路向，立志成為一位女廚師。
感激老師關懷 不滿被標籤
自言入讀培立時「十萬個唔願意」的芷恩，現在卻以「屋企」來形容學校：「老師比其他學校更關心每個學生，問『點解唔返學』啊，係關心唔係責罵。」
芷恩坦言曾「買」友誼度日，試過偷家人錢，與友人消遣至通宵達旦，生活混亂，最終更被親人放棄撫養權；幸而，透過六年規律的寄宿生活，她不但學會照顧自己，不依賴朋友，更「搵番真正嘅自己」。
對於社會標籤「群育學校」的學生，芷恩坦言：「覺得好唔抵……」她強調他們不但無作奸犯科，課餘時更會幫助其他有需要的人，服務社區。芷恩最想向歧視他們的人說：「你間學校係唔係真係冇一個差學生？唔會放棄佢哋？如果冇『群育學校』，邊個收留啲唔好嘅學生？」
培立院長姚順好笑言，芷恩是「培立養大嘅女」，對芷恩一步步改善自身感到欣慰。姚院長形容迷途的學生猶如禾草遮蓋了明珠，只要協助他們尋回自身價值，每位皆能重回正軌。