發展局局長陳茂波尋日發表網誌，話要紮實推進大嶼山嘅發展同保育工作，改善當區民生及社區配套，促請立法會盡快通過有關設立大嶼山發展專責辦事處，以及東涌新市鎮擴展計劃嘅撥款。話口未完，一批大嶼山居民因不滿當局未有改善島上嘅道路配套，導致假日時經常出現人車爭路，喺同日發起堵塞大嶼山羌山道行動，車龍一度長達數公里。希望波叔唔好得把口，盡快改善島上設施，以爭取居民支持大嶼山發展喇！
