中環出更：肥佬黎李漢奸罪孽深重搵神父
壹傳媒集團前主席黎智英（肥佬黎）最近頻頻出動，繼上周五唔知做乜入咗美國駐港總領事館之後，到前日同尋日周六日，佢又聯同外號「李漢奸」嘅民主黨創黨主席李柱銘，一連兩日造訪位於赤柱嘅瑪利諾神父宿舍，前後逗留咗足足十二個小時。唔通兩人自知罪孽深重，要分兩日入赤柱搵神父馬拉松式懺悔？
連日造訪 馬拉松式懺悔？
前日下午四時許，肥佬黎從何文田大宅出車，首先前往馬己仙峽接埋李漢奸，然後一同前往瑪利諾神父宿舍，留到晚上近八時半才離開。昨早約八時，肥佬黎又再坐車出動，又係先接李漢奸上車再直入赤柱，連續第二日到訪瑪利諾神父宿舍。今次兩人留得仲耐，至下午近五時先同一位外籍老神父一同離開。
翻查資料，早兩日啱啱有報道話，擁有逾八十年歷史、屬一級歷史建築物嘅瑪利諾神父宿舍，早前以逾七億元賣咗畀發展商，相信會改作非宗教用途。唔知黎智英同李漢奸係咪自覺「時日無多」，因此要趕住去告解呢？
卓妮