中環出更：名人多漫迷細個追書睇

漫畫陪伴過唔少人成長，但隨住漫畫市場萎縮，近年大家都轉睇網上動漫，漫畫店相繼結業，近日就有人收集逾二萬本新舊漫畫，並以平價轉售予新主人。卓妮早前在沙田馬場見到好多名人，佢哋童年都愛睇漫畫，好似莎莎國際主席郭少明女婿陳振邦，細個最鍾意《龍珠》及《聖鬥士星矢》，儲齊一套後一直唔捨得丟，但好可惜早年移民後啲珍藏已不知所終。
鄧鉅明（右）分唔清武打漫畫同成人雜誌名稱，陳振邦早年移民則遺失漫畫珍藏。
鄧鉅明（右）分唔清武打漫畫同成人雜誌名稱，陳振邦早年移民則遺失漫畫珍藏。

太子珠寶鐘錶主席鄧鉅明就笑言睇電視多過睇漫畫，事關佢睇完一頁轉頭已經唔記得，不停睇返轉頭又好冇癮，但好似《老夫子》呢類經典漫畫都有睇過。不過，佢忽然強調自己無睇過一本同武打漫畫《龍虎門》名稱相似嘅成人雜誌，可能佢混淆咗呢兩本書都未定，亦唔知佢係咪開玩笑搞吓氣氛。

金刀梁英國尋寶

同場仲有民政事務局前常秘李麗娟同兒子劉堃及新抱蘇雯華、標準工時委員會主席梁智鴻（金刀梁）及太太梁馮令儀、香港國術總會創辦人王嘉恩等。以為醫生後生時掛住讀書唔睇漫畫？金刀梁就話乜書都睇，漫畫《peanuts》同諷刺雜誌《mad》及《punch》更加係佢當年至愛，現時間中都會於英國啲舊書店尋寶搵番呢啲舊書。

李麗娟（右）同兒子劉堃（左）及新抱蘇雯華都少睇漫畫，愛看文字書籍。（溫國佳攝）
  • 李麗娟（右）同兒子劉堃（左）及新抱蘇雯華都少睇漫畫，愛看文字書籍。（溫國佳攝）
梁智鴻（右）年輕時愛看諷刺漫畫及雜誌，左為太太梁馮令儀。
  • 梁智鴻（右）年輕時愛看諷刺漫畫及雜誌，左為太太梁馮令儀。

至於劉堃及蘇雯華就甚少睇漫畫，反而愛睇傳記等文字書籍。而熱愛武術嘅王嘉恩當年在外國讀書就睇美國漫畫居多，後來本地漫畫拍成電影後，先至吸引佢睇番香港漫畫。

卓妮

第一手消息請下載on.cc東網iPhone/iPad/Android/Windows Phone Apps