《明報》開天窗鬧劇沒完沒了，而且愈玩愈富娛樂性。不是嗎？據悉連日有專欄開天窗抗議該報執行總編輯被炒。老朽早前已痛批其管理不善，不如趁早摺埋，免丟人現眼！此文深受讀者認同，可見自詡「公信第一」的《明報》，已經落得盆裏生豆芽——難扎根矣！再自我臉上貼金，標榜甚麼「知識分子報」，徒然貽笑大方。
呢，一張報紙搞成天窗鬧劇報，而且花臣愈來愈多姿多采，大有「行無轍迹，居無室廬，幕天席地，縱意所如」的瀟灑；之前開天窗加編者按，已被員工及外界圍插，連教協都怕執輸狂抽水，促現任總編輯交代因由，嗱，呢啲咪叫狗拿耗子多管閒事咯！老朽不禁想起一首打油詩，最啱轉贈畀佢哋呢啲「教育工作者」：打鼓賣糖各一行，全能全智事荒唐，勸君掃好門前雪，莫代梅花作主張。人哋業務重組，又為何要向你哋交代，你邊位啊，阿哥？難怪有人話呢啲開天窗行動係「政治天窗」，果然有迹可尋也。
開天窗開到「不明不白」，開到變鬧劇第一，且十分具創意，該報加東版日前的三個天窗，換成漫畫家豐子愷的作品，每幅畫下款更署以原作者姓名的諧音，甚麼「吾子心、愚若微、塵識之」，令人嘆為觀止。
豐子愷的漫畫善於刻畫兒童的純真與稚趣，有趣味更有意境，如今卻被你們濫用來封骯髒的「政治天窗」，豐子愷若地下有知，就算不會如魯迅「至死，一個也不原諒」，至低限度會抗議你們粗暴地不顧及他的感受！甚麽「知識分子報」，原來是自我抬高。
其實，一張報紙搞成咁鬼樣：閙劇第一，娛樂至死！封天窗又被抨拙劣，手法卑下，既然陰陽怪氣，妖氣瀰漫！天窗再鬧下去，好心放過豐子愷，用鍾馗捉鬼封之，似乎更合適也。天靈靈，地靈靈，日月無光停一停……