標準工時委員會日前就標準工時展開第二輪諮詢，委員會主席梁智鴻（金刀梁）尋日出席電台節目時話，可能會有人擔心將現時嘅方案袋住先，最終係咪就會袋一世，呢個問題佢就唔敢答喇，總之佢嘅心願就係大家「行咗先」。之前政府提出政改方案，唔少建制派都有講過「袋住先」唔係「袋一世」，點知最後建制派就甩轆收場。金刀梁唔敢講，究竟係驚甩轆收場吖？抑或被人講中真係會「袋一世」呢？
