【本報訊】認真的綵排，熱切的期待，食環署突然公布黎明演唱會不獲發臨時牌，演唱會隨即被迫取消，再也不用問今夜你會不會來！「食環署真係黐線，預備演唱會唔係一朝一夕既嘅事，開騷前先話唔批，垃圾政府！」黎明fans在fb鬧爆食環，有內地樂迷急問是否只取消一晚，一片愁雲慘霧，但也有網民認為安全至上，不想台灣新北八仙樂園塵爆慘劇重演。
黎明傍晚在fb視像宣布今晚演唱會取消後不足半小時，已有逾七千五百名網民表態，當中近三千人感到「傷感」，而其視像片段有逾二千五百次分享轉載及逾千三條留言。
樂迷支持偶像本身或許偶爾已帶點非理性，今次突如其來演唱會「被取消」，他們所受的震撼當然不足為外人道，矛頭直指食環署：「有人（樂迷）真係由外國特登返嚟睇o架，今次食環分明玩野嘢。」有歌迷嘆道：「一直見到Leon都有Update演唱會消息，都知佢真係好畀心機搞嘅……但個官依家話唔批都無佢乎（符）……。」
演唱會主辦單位專頁也有不少fans留言支持黎明，怒斥政府部門官僚：「政府要全數退款畀我地（哋），加埋賠番畀Leon同贊助商喺呢個演唱會嘅一切開資（支）啊！」不過，也有網民撐食環：「大家記唔記得台灣粉（塵）爆事件？出左（咗）事又話政府錯架（o架）喇，安全第一啊！」