最新一期審計報告指出，差餉物業估價署每年只係抽查全港二百四十個物業業主或佔用人嘅租金資料，以評估應課差餉租值，但抽查數目只係佔三十一萬個選定物業嘅百分之零點七，「中籤率」低得驚人。咁啱日前爆出民政事務局常任秘書長馮程淑儀離奇換樓醜聞，馮程淑儀用一個西半山單位補差價，交換兩個跑馬地成和坊相連豪宅單位，交易差價涉低於市價、巧妙避稅兼涉嫌多收差餉寬免等，疑點一籮籮。無他嘅，差估署一年淨係抽查二百幾個單位，馮程淑儀唔使左閃右避，抽查到佢都好難喇！
