政情：公民講場：盲目爭退保 長毛白拉布

立法會「拉布」已經係例牌菜，好似社民連議員梁國雄（長毛）就以爭取全民退休保障為理由，就今年度財政預算案提出逾千五項修正案，但最終被「剪剩」一百六十項，連同其他泛民提交嘅修正案，立法會主席曾鈺成只係批出四百零七項，料六十個小時就「拉」得完。曾鈺成解釋，知道議員拉布目的，但政府已經就全民退保諮詢公眾，無理由相信批准呢啲修正案，會引起有意義嘅辯論，或者政府會因此改變全民退保嘅決定，再拉布只會浪費議會時間，所以決定剪布。簡而言之，長毛就算點樣拉布都拉唔出任何成果！