中環出更：商家教路 員工受重視 自然笑多啲

陳國民話，如果公司畀多啲好嘢員工，佢哋咪自然笑出來囉！佢就好重視員工嘅感覺，長期以來喺自家烹飪飯堂分批同中、高級員工食飯，令員工感受公司對佢哋嘅重視。

王淑筠逆市擴充業務

Diana亦都經常同員工打成一片，佢笑笑口話，食朱古力會令人開心啲，所以近期朱古力店生意愈來愈好，皆因唔少人寧願買少件珠寶，將錢用來買朱古力食。現時唔少連鎖店都爆發倒閉潮，但Diana就逆市擴充，下月於太古城開設香港第四間分店，九月份再開廣州第二間分店。

同場仲有基金副主席鍾志平（Roy）、楊志雄及榮譽會長沈運龍（Aaron），有Roy嘅地方就有笑聲，當日影相時都要整蠱做怪，搞到兩位兄弟笑不停。講到開心，Aaron繼去年以價值不菲嘅鑽石結他取得健力士世界紀錄後，上月再次以逾一萬六千粒寶石鑲嵌一把全球粒數最多嘅寶石結他，締造另一世界紀錄。

卓妮

王淑筠逆市擴充朱古力店，殊不簡單。（陳嘉順攝）

鍾志平（右）影相時都要搞吓笑，搞到楊志雄（左）及沈運龍（中）笑騎騎。