政情：公民講場：評銀行拒開戶 羅冠聰牆頭草

由學民思潮前召集人黃之鋒、成員周庭、學聯前秘書長羅冠聰等人成立嘅新政黨香港眾志，其成員早前喺銀行開設戶口被拒時，就質疑銀行係有政治考慮，批評銀行政治打壓。近日佢哋用作籌款嘅個人戶口又被銀行禁止存款，搞到只能夠以Payal收取捐款，但今次佢哋就冇再批評銀行政治打壓。香港眾志主席羅冠聰仲喺社交網站話，佢哋亦明白銀行有其顧慮，終止佢哋用以籌款嘅個人戶口都唔一定係針對性打壓喎。究竟幾時係打壓、幾時唔係打壓？係佢哋雙重標準，定係終於知自己之前屈錯咗銀行打壓，依家唔敢再亂咁噏呢？