政情：公民講場：強詞撐港 拒認不足

「全球金融中心指數」最新排名顯示，香港已經被新加坡爬頭而跌出三甲，「紐倫港」美譽不再，社會都關注香港要點樣翻身。財經事務及庫務局局長陳家強就喺網誌撰文話，上月有評級機構調低中國評級展望，基於本港與內地喺金融同經濟上嘅密切聯繫，亦相應將香港嘅評級展望由穩定下調至負面。不過，陳家強認為，有關評估係過分簡單詮釋本港與內地嘅關係，本港作為金融中心仍有專業嘅監管制度等多種優勢，中國經濟仍然係世界經濟發展嘅重要動力，香港嘅金融地位會無法取代。陳家強唔肯承認香港嘅不足，自我感覺良好，睇嚟唔打算諗計幫香港重返三甲或者再上位啦，真係不知悔改！