政情：假難民為禍 沈家囝囝「堅離地」

南亞假難民肆虐香港，元朗區更成為假難民集散地，唔少居民出入都人心惶惶，其中元朗區議會主席沈豪傑都係元朗老街坊，除咗留學英國嗰幾年，大部分時間都喺元朗長大。日前元朗區議會會議都有討論點樣打擊假難民，沈豪傑坦言擔心區內治安，加上「仔細老婆嫩」，會盡量避開途經治安高危嘅地方，亦唔畀兩歲囝囝夜晚喺街上自己行，入夜後堅持車出車入，揸車直駛入屋苑停車場保障囝囝安全。沈豪傑苦笑話係有啲誇張，但囝囝仲細，惟有暫時逼佢「堅離地」喇。